Ўқишга кирувчиларга

  1. Кириш синовларини ўтказиш тартиби Қабул комиссияси томонидан белгиланади.
  2. Кириш синовлари давлат тилида ўтказилади. Қабул комиссиясининг қарорига асосан кириш синовлари бошқа тилларда ҳам ўтказилиши мумкин.
  3. Кириш синовлари қоида тариқасида август ойида ўтказилади. Психологик тест Тайёрлаш курсига ҳужжат топширилганидан сўнг босқичма-босқич ўтказиб борилади.
  4. Кириш синовлари уч босқичдан, яъни психологик тест, ихтисослик синови ҳамда оғзаки суҳбатдан иборат.
  5. Психологик тест Кенгашнинг “Психологик тест” ахборот тизими базасида ташкил этилиб, натижаси психолог мутахассис томонидан баҳоланади. Психологик тест шахссизлантирилган ҳолда текширилади. Психологик тест натижаси “қониқарсиз” баҳоланган талабгорлар кейинги босқич синовларига қўйилмайди.
  6. Психологик тестни ўтказиш тартиби Кенгашнинг 2021 йил 6 майдаги СОКҚ-1543-III-сонли қарори билан тасдиқланган “Судьялик лавозимларига номзодлар ва судьяларнинг касбга муносиблигини баҳолашга кўмаклашувчи психологик тест тизими тўғрисида”ги Низом билан тартибга солинади.
  7. Ихтисослик синовлари мутахассислик ва чет тили бўйича тестдан ҳамда ҳуқуқий мавзудаги иншо ёзишдан иборат. Ихтисослик синовларининг умумий баллари қуйидагилардан ташкил топади:
  • мутахассислик бўйича тест 93 балл (30 та тест саволи бўйича 3,1 баллдан);
  • чет тили бўйича тест 33 балл (30 та тест саволи бўйича 1,1 баллдан);
  • ҳуқуқий мавзуда ёзма иш (иншо) 93 балл.
  1. Миллий сертификат ёки халқаро сертификатнинг қуйидаги даражаларига эга бўлган талабгорларга чет тили фанидан синовларсиз максимал балл берилади:
  • инглиз тили учун – миллий сертификат ёки International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE халқаро синов тизимлари бўйича тилни билиш даражалари B2 ва ундан юқори;
  • немис тили учун – миллий сертификат ёки Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халқаро синов тизимлари бўйича тилни билиш даражалари B2 ва ундан юқори;
  • француз тили учун – миллий сертификат ёки Diplôme d'Etudes en Langue Française (DELF), Тest de Connaissance du Français (TCF) халқаро синов тизимлари бўйича тилни билиш даражалари B2 ва ундан юқори;
  • бошқа тиллар учун – миллий сертификат ёки халқаро синов тизимлари бўйича тилни билиш даражалари B2 ва ундан юқори.
  1. Ихтисослик синовлари ихтисосликлар бўйича алоҳида ўтказилади. Ихтисослик синовлари талабгорнинг мутахассислик ва чет тиллари фанлари бўйича билим даражаси, таҳлилий, танқидий фикрлаш, ҳуқуқий манбалар билан мустақил ишлаш ҳамда ҳуқуқий масалалар бўйича хулосаларни баён этиш борасида қобилиятларини ва саводхонлик даражасини аниқлашга қаратилган.
  2. Кириш синовларини ўтказиш учун Олий мактаб директорининг буйруғи билан ҳар бир ихтисослик фанлари бўйича алоҳида комиссиялар ташкил этилади.
  3. Ихтисослик фанлари бўйича комиссия таркибига Олий мактабнинг профессор-ўқитувчилари киритилади. Шунингдек, заруриятга кўра, комиссия таркибига Кенгаш ва Олий суд судьялари, ходимлари, бошқа таълим муассасаларининг профессор-ўқитувчилари ҳам жалб этилиши мумкин.
  4. Ихтисослик фанлари бўйича комиссия раислари зиммасига қуйидаги масъулият юкланади:
  • синовлар сифатли ўтказилишини таъминлаш мақсадида комиссия таркибига малакали, талабчан ва адолатли профессор-ўқитувчиларни жалб этиш;
  • комиссия аъзоларининг вазифаларини белгилаш (маслаҳатлар беришни ташкил этиш, синов саволларини тузиш, жавобларни баҳолаш мезонларини ишлаб чиқиш ва бошқалар);
  • синов жараёнига раҳбарлик қилиш ва назорат этиш.
  1. Ихтисослик бўйича синовларни ўтказиш тартиби (ўқитувчиларни аудиторияларга тақсимлаш, жавобларни шифрлаш ҳамда текшириш ва бошқалар) Қабул комиссияси томонидан белгиланади.
  2. Давлат тест маркази томонидан тақдим этилган ихтисослик синовларининг натижалари баҳолаш мезонларига мувофиқ балл билан белгиланади ва қайдномаларга киритилади. Қайдномалар ихтисослик бўйича синов комиссиясининг аъзолари, қабул комиссиясининг масъул котиби томонидан имзоланади ва қабул комиссиясининг раисига тақдим этилади.
  3. Ихтисослик синовларида максимал баллнинг ярмини тўплай олмаган талабгорлар кириш синовларининг суҳбат босқичига қўйилмайди.
  4. Суҳбат ўтказиш Кенгаш, Ўзбекистон Республикаси Конституциявий суди, Олий суди, қуйи судлар, Судьялар ассоциацияси, Олий мактаб ва юридик олий таълим муассасалалари вакилларидан иборат таркибдаги махсус комиссия томонидан амалга оширилади. Комиссия таркиби ҳар бир ихтисослик бўйича камида тўққиз нафар аъзодан иборат бўлиб, учдан икки қисми ҳозир бўлганда ваколатли ҳисобланади. Суҳбат комиссияси раиси Кенгаш раиси томонидан тайинланади.
  5. Суҳбат талабгорнинг суд-ҳуқуқ соҳасидаги ислоҳотларнинг мазмун-моҳиятидан, юриспруденцияга оид таълимотлар ва қоидалардан ҳамда ихтисосликка оид қонунчиликдан хабардорлигини, шунингдек унинг дунёқараши доирасини аниқлаш мақсадида ўтказилади.
  6. Суҳбат натижасига кўра ҳар бир комиссия аъзоси томонидан талабгор 100 баллик тизим асосида баҳоланади ҳамда комиссия аъзоларининг сонига бўлган ҳолда, унинг ўртача балли ҳисоблаб чиқилади.
  7. Қабул комиссияси талабгорнинг ихтисослик синовлари ва суҳбат натижасида тўплаган балларини қўшиб ҳисоблаган ҳолда энг юқори балл тўплаган талабгордан бошлаб камайиш тартибида қабул квотасида белгиланган сонгача Тайёрлаш курсига қабул қилинган тингловчилар рўйхатини шакллантиради.
  8. Тайёрлаш курсига қабул қилинган талабгорларнинг синов ишлари уларнинг шахсий ҳужжатлар йиғма жилдларига тикиб қўйилади.
  9. Ўқишга қабул қилинмаганларнинг синов ишлари 6 ой давомида сақланади, сўнг белгиланган тартибда йўқ қилинади.
  10. Кириш синовларини қайта топширишга йўл қўйилмайди.
  11. Ҳужжатларни онлайн юбориш
Белгиланган матнни тинглаш учун қуйидаги тугмани босинг Powered by GSpeech